Ислом цивилизацияси маркази ва Малайзия ислом санъати музейи ўртасида ҳамкорлик меморандуми имзоланди


Жорий йилнинг 22 июль куни Самарқандда бўлиб ўтган «Ўзбекистон маданий мероси – янги Ренессанс пойдевори» VI Халқаро конгрессида иштирок этиш учун ташриф буюрган Малайзиялик ҳамкорлар билан Англашув меморандуми имзоланди. Ҳамкорлик доирасида Музей кураторлиги бўйича Марказ музей ходимларининг малакасини ошириш бўйича амалий тренинглар ташкил этиш, Ўзбекистон тарихига оид ноёб қўлёзмаларни ўзида акс эттирган кўргазма ташкил қилиш, нодир қўлёзма ҳамда тарихий манбаларни тадқиқ қилиш каби кенг қамровли ишлар амалга оширилиши режалаштирилган.