“ДАВЛАТИНГИЗ РАҲБАРИ ТОМОНИДАН ОЛИБ БОРИЛАЁТГАН ИШЛАР ҲАР ЖИҲАТДАН ДИҚҚАТГА САЗОВОР”
Ислом тарихи, санъати ва маданияти тадқиқотлари маркази - ИРСИКА директори, WOSCU Бошқаруви аъзоси Маҳмуд Эрол Қилич:
— Ўтмишини билмаган одам келажагини ҳам билмайди, дейишади. Бу борада Ўзбекистонда давлатингиз раҳбари жаноб Мирзиёев томонидан олиб борилаётган ишлар ҳар жиҳатдан диққатга сазовор. Мен ўзбекистонлик ҳамкорлар билан тез-тез кўришиб тураман. Ва улар ҳар доим юртингизда маданий меросни ўрганиш, аждодлар меросини асраб-авайлаш ва кенг тарғиб этиш билан боғлиқ янги бир ташаббуслар амалга ошаётганини айтишади. Бугун Президент Шавкат Мирзиёевнинг йўллаган табриги ҳам бизни ғоятда мамнун этди.