Бугун 23 октябрь куни Ўзбекистон Республикаси Вазирлар Маҳкамаси ҳузуридаги Ўзбекистондаги Ислом цивилизацияси маркази аппарати йиғилиши бўлиб ўтди.

23/10/2023    14:09    892

Бугун 23 октябрь куни Ўзбекистон Республикаси Вазирлар Маҳкамаси ҳузуридаги Ўзбекистондаги Ислом цивилизацияси маркази аппарати йиғилиши бўлиб ўтди.  Кун тартибига Ўзбекистон Республикаси Президентининг “Ўзбекистон – 2030” стратегияси тўғрисида” 2023 йил 11 сентябрдаги  ПФ-158-сон Фармони ҳамда “Ўзбекистон – 2030” стратегиясини 2023 йилда сифатли ва ўз вақтида амалга ошириш чора-тадбирлари тўғрисида” 2023 йил 11 сентябрдаги ПҚ-300-қарори мазмун-моҳияти ва уларнинг ижросини таъминлашда Марказ олдида турган долзарб вазифалар тўғрисида, шунингдек, Марказнинг Музей ва экспонатлар илмий бўлими, Кутубхона ва архив ҳужжатлари бўлими, Зиёрат туризми илмий-тадқиқот бўлимларининг қарордан келиб чиқадиган вазифалари ҳамда “ijro.gov.uz” идоралараро ягона электрон тизимида муддати 2023 йил ноябрь – декабрь ойларига белгиланган топшириқларнинг ижросини таъминлаш масалалари қўйилди.

Йиғилишда Вазирлар Маҳкамаси масъул ходими О. Зокиров ҳам иштирок этди. Марказ директори Шоазим Миноваров йиғилишни кириш сўзи билан очиб, қарорлар мазмун-моҳияти ва уларнинг ижросини таъминлашда Марказ олдида турган долзарб вазифалар тўғрисида гапирди.

Марказнинг Музей ва экспонатлар, Кутубхона ва архив ҳужжатлари, Зиёрат туризми илмий-тадқиқот бўлимлари бошлиқлари бажарилаётган ишлар юзасидан ўз ҳисоботларини слайд шаклида тақдим этдилар. \

Ўзбекистондаги Ислом цивилизацияси маркази директори Ш. Миноваров Марказ ходимларига топшириқлар ижроси бўйича галдаги вазифаларни белгилаб берди. Йиғилиш сўнггида мажлис қарори қабул қилинди.

 

 

Ўзбекистондаги Ислом цивилизацияси маркази

Ахборот хизмати