18 ноябрь Ўзбекистон Республикасининг Давлат байроғи қабул қилинган кун

18/11/2021    10:46    1848

Бундан ўттиз йил олдин худди шу куни  Ўзбекистон Республикасининг  407-XII-сонли «Ўзбекистон Республикасининг Давлат байроғи тўғрисида»ги қонуни қабул қилинган.

Ҳақиқатдан ҳам, ҳаётимизда рамз ва тимсолларнинг ўрни катта. Зеро, миллий рамзлар ор-номус, шон-шараф саналган. Шайх Нажмиддин Кубронинг жасоратини тарихдан яхши биламиз. Ҳамон бу буюк қаҳрамонлик тилдан тушмайди, ҳанузгача халқимизни ватанпарварликка, қаҳрамонликка чорлайди. Юрт байроғини ёв қўлига топширишни истамаган Нажмиддин Кубро уни қўлида маҳкам тутганча жон берган эди. Душман ҳарчанд уринмасин, унинг қўлидан байроқни тортиб ололмай, охири панжалари билан кесиб олади. Туғини жонидан ортиқ асраган Тўмарис, Спитамен, Муқанна, Темур Малик, Амир Темур, Жалолиддин Мангуберди каби ўнлаб саркардалар ҳаёти ҳам бугун авлодларимизга катта ибрат. Аслида Ватан байроғини кўзга суртиш, уни тўтиё қилиш Ватанни севиш, унинг учун жонини фидо қилишга тайёр бўлиш деганидир.

Барча ватандошларимизни ушбу сана билан муборакбод этамиз.

Ўзбекистондаги Ислом цивилизацияси маркази

матбуот хизмати